Vlera Murtezi's Biography

Vlera Murtezi
Fellow 2020

Unë jam Vlera Murtezi, 22 vjeçare. ⁣

Jam studente e vitit të fundit të Gjuhës dhe Letërsisë Angleze në Fakultetin e Filologjisë në Universitetin e Prishtinës “Hasan Prishtina”. ⁣
⁣
Në vitin 2019 kam qenë përfituese e bursës Erasmus+ dhe kam studiuar për një semestër në Poloni. Gjatë studimeve atje, kam qenë edhe praktikante në një shkollë në qytetin e Nysës (Dicezjalna Szkola Podstawowa w Nysie). Gjithashtu, gjatë vitit 2018 kam qenë pjesë e programit Work & Travel USA, ndërsa tani jam pjesë e CIEE Alumni. Gjatë studimeve kam mbajtur edhe punë praktike si mësimdhënëse e Gjuhës angleze në shkollë fillore si dhe në institucione private. Ndërsa tani jam praktikante në Zyrën për Marrëdhënie me Jashtë të Universitetit të Prishtinës. ⁣
⁣
Dëshira ime që të kontribuoj në vendin tim dhe në sistemin arsimor më ka shtyrë që krahas studimeve të jem pjesë e disa aktiviteteve vullnetare të organizuara nga Kosova English Teachers’ Network (KetNet). Gjatë këtyre aktiviteteve kam pasur rastin që të përfitoj shumë aftësi e të mësoj shumë metoda dhe teknika të mësimdhënies. ⁣
⁣
Meqë sistemi i arsimit në Kosovë ka nevojë për ndryshime, vendosa që t’i bashkohem Teach For Kosova. Tani si Fellow e kësaj organizate besoj që sado pak mund ta jap kontributin tim në sistemin edukativ.