Vizita në komunitet: Gjakovë
​Si pjesë e projektit: Për ndërtimin e profilit të mësimdhënësve, rekrutimin dhe zhvillimin e mesimdhënësve nga komuniteti rom, ashkali dhe egjiptas, Teach For Kosova ka përzgjedhur qytetin e Gjakovës, si një nga komunat me të cilat ka filluar vizitat në komunitet dhe shkollë. Qëllimi i këtyre vizitave ishte takimi me mësues, drejtues të shkollave/komuniteteve, prindër dhe studentë për ta kuptuar më mirë gjendjen rreth sistemit të arsimit në Gjakovë. Gjatë vizitave nëpër shkolla, ekipi ynë takoi individë të cilët ishin tejet të përkushtuar në përmirësimin e sistemit të arsimit dhe se i kuptonin pengesat që ekzistojnë brenda tij.

Në kuadër të projektit, Teach For Kosova gjithashtu vizitoi Mitrovicën dhe Malishevën, projekt i cili mbështetet nga programi Angazhimi për Barazi (E4E) i financuar nga Agjencia e Shteteve të Bashkuara për Zhvillim Ndërkombëtar (USAID) dhe implementuar nga Qendra e Trajnimeve dhe Burimeve për Avokim (ATRC). Nga këto vizita, ekipi shpreson t'i përdorë njohuritë e fituara për të ndërtuar një profil mësimdhënës, i cili do t'i informojë cilësitë që duhet t'i posedojë një mësues në Kosovë për ta përmbushur misionin dhe vizionin tonë si organizatë.
Picture
Na Kontaktoni

​Innovation Centre Kosovo:
Rruga: Rexhep Mala 28A, Prishtina, Kosova 10000