Belkize Islami - Xhaferi
Fellow 2020

Belkize Islami Xhaferi, 29 vjeçare nga Gjilani. ⁣

Shkollën fillore dhe të mesme i kam përfunduar në Ferizaj, më pas vazhdova studimet bachelor po në këtë qytet ku dhe diplomova në vitin 2013 në Fakultetin e Shkencave të Aplikuara. ⁣
⁣
Qysh në moshë të re isha e angazhuar në aktivitete sociale dhe isha çdo herë e kyçur në mbrojtjen e të drejtave të pakicave pasi edhe unë vija nga një komunitet pakicë në Kosovë. Gjatë kohës së studimeve isha pjesë e projekteve të ndryshme ku përmes angazhimit tim u bëra thirrje dhe ngrita zërin për shkollimin e vajzave nga komunitetet Romë, Ashkali dhe Egjiptian, si dhe për mbrojtjen dhe promovimin e të drejtave të grave nga këto komunitete. ⁣
⁣
Vazhdova studimet master në drejtimin Automatizimi i proceseve prodhuese në Fakultetin Teknik, në Prishtinë dhe jam në prag të diplomimit. Vazhdoj të jem aktiviste e shoqërisë civile tanimë në një qytet tjetër të Kosovës, në Pejë. ⁣
⁣
Dëshira ime e madhe është të shoh sa më shumë vajza nga komunitetet që arrijnë shkollimin superior, më shumë gra të punësuara dhe shpresoj se një ditë do të jem motiv e model i një gruaje të fuqishme e rrethuar me vajza të reja që ndjekin ëndrrën e tyre.